Ҳеч кас аз пеши худ чизе нашуд

Сурати хидмат сифати мардумист,
Хидмат кардан шарафи одамист.

Ҳар он кас ки бигрезад аз коргард,
Аз ӯ дур шуд ному нангу набард.

Чу нодонон на дар банди падар бош,
Падар бигзору фарзанди ҳунар бош.

То накӯбӣ гандум андар осиё,
Кай шавад ороста з-он хони мо?

Ёр шав, то ёр бинӣ беадад,
3-он ки бе ёрон бимонӣ бемадад.

Маёсой аз омӯхтан як замон,
Зи дониш маяфкан дил андар гумон.

Якшаба он ранҷ, ки модар кашид,
Бо ду ҷаҳонаш натавон баркашид.

Шеър гӯям, ояд аз шеърам садои модарам,
Деҳа гӯям, бар сарам ояд ҳавои модарам.