Дар ҷаҳон, донӣ, кӣ гардад муътабар?

Биёмӯз, гарчанд душворат ояд,
Ки душвор аз омӯхтан гашт осон.

Ҳар ки аз омӯхтан надорад нанг,
Дурр барорад зи обу лаъл аз санг.

Далеру хирадманду ҳушёр бош,
Ба пос андарун сахт бедор бош!

Ҳар ки ӯ бо дӯстон якдил бувад,
Ҷумла мақсуди дилаш ҳосил бувад.

Машварат идроку ҳушёрӣ диҳад,
Ақлҳоро ақлҳо ёрӣ диҳад.

Ду дил як шавад, бишканад кӯҳро,
Парокандагӣ орад андуҳро.

Хирад аст он, к-аз ӯ расад ёрӣ,
Ҳама дорӣ, агар хирад дорӣ.

Ду дӯст бо ҳам агар якдиланд дар ҳама кор,
Ҳазор таънаи душман ба ними ҷав нахаранд.

Наздики хирад гавҳари бақоро
Аз дониш беҳ ҳеҷ кимиё нест.