Бувад дӯст мар дӯстро чун сипар

Ҳар он дӯст, к-аз баҳри суду зиён
Бувад дӯст, душман бувад бегумон.

Ба омӯхтан чун фурӯтан шавӣ,
Суханҳои донандагон бишнавӣ.

Ҳар кӣ аз дунё нагирад ибрате,
Ҳаст аз он мудбир ҷаҳонро нафрате.

Дилатро ба донишварӣ дор ҳуш!
Чу донистӣ, он гоҳ, дар кор кӯш!

Ба пирони забун кун дастгирӣ,
Ки дар пирӣ бидонӣ қадри пирӣ.

Заҳр бодо шири модар бар касе,
К-ӯ забони модарӣ гум кардааст.

Ҳамзабонӣ хешию пайвандӣ аст,
Мард бо номаҳрамон чун бандӣ аст.

Ба дониш равонро тавонгар кунед,
Хирадро ҳамон бар cap афсар кунед.

Макун зи ғусса шикоят, ки дар тариқи адаб
Ба роҳате нарасид, он ки заҳмате накашид.